政府「長者醫療券獎賞先導計劃」11月13日起推行，為期3年，合資格長者在同一年度累積使用$1000或以上醫療券於特定基層醫療服務，即自動獲發$500獎賞醫療券。

周伯伯是一名獨居長者，有領取醫療券，隨著年紀漸大，醫療開支亦會愈高。現時醫療券向每名合資格長者每年只發放$2000元，因為周伯伯體弱多病，醫療開支愈高，醫療券每年只發放$2000根本不夠用。額外的醫療開支對周伯伯是一種負擔，感到十分徬徨。

周伯伯醫療開支大 每年$2000元醫療券不夠用

‍

「我今年69歲，係一名退休人士。我一直住喺香港東區嘅一個公屋單位，一個人過日子。啲仔女都已經結咗婚，佢哋有自己嘅家庭，我知道佢哋都唔容易。我只能靠自己，盡量維持生活。

但係，近年抵抗力差左，好容易傷風或者感冒，成日都要睇醫生，每次至少都要三幾百蚊，呢啲醫療開支都係一筆唔細嘅負擔，政府雖然有發放長者醫療券，每年俾我$2000元，但呢啲錢根本唔夠用，我仲未算埋其他嘅費用，比如牙齒檢查、眼睛檢查等等。我唔想向我仔女求助，所以我盡量省吃儉用，有時候甚至唔去睇醫生，忍住痛楚。搞到我好徬徨。

從舜禹職員得知醫療券額外發放500元

‍

直至我遇到舜禹嘅職員，佢向我介紹咗政府最近推出嘅一項新計劃，叫做「長者醫療券獎賞先導計劃」。佢話，呢個計劃係為咗鼓勵長者使用醫療券於特定基層醫療服務，如預防疾病、慢性疾病管理、牙齒檢查等。只要我喺同一年度內累計使用$1000元或以上嘅醫療券於呢啲服務，就可以自動獲發$500元醫療券獎賞。

但呢醫療券獎賞$500元唔包括視光服務，而且使用期限為翌年12月31日，逾期作廢。佢仲話只要我有領取醫療券，就可以自動參加，唔使額外申請。

我會好好利用醫療券同獎賞，我希望政府可以繼續推出咁樣嘅計劃，幫助更多嘅長者，畀我哋有一個健康同快樂嘅晚年。」

計劃下4大特定基層醫療服務

1️⃣ 參與醫療券計劃的中西醫和牙醫提供的預防疾病、跟進或監測慢性疾病服務，如健康評估、驗身、篩檢、疫苗注射、慢性疾病管理、牙齒檢查、洗牙、脫牙、補牙等

2️⃣ 「慢性疾病共同治理先導計劃」的高血壓和糖尿病篩查，及治療階段服務

3️⃣ 地區康健中心或地區康健站的個人化服務和社區復康計劃

4️⃣ 港大深圳醫院11個指定診療中心和其屬下健康服務中心的預防疾病、跟進或監測慢性疾病門診服務

備註：獎賞只可用於以上的四類特定服務，不包括視光服務。

如果你或身邊的老友記有任何生活上的疑難，不妨與我們舜禹聯絡，我們樂意當長者們的後盾。長者醫療券獎賞先導計劃詳情請點擊下方連結：

👉長者醫療券獎賞先導計劃