糖尿病是本港主要的慢性疾病，目前，本港約有70萬名糖尿病患者，佔總人口約一成，即每10名港人便有一名糖尿病患者，數目明顯正急劇上升。發病率方面，年齡35歲以下人士當中有2%患上糖尿病。而年齡65歲以上的人士當中，更有超過20%患上糖尿病。
糖尿病是導致疾病、傷殘以及死亡的主要原因之一。在本港，糖尿病在最常見的致命疾病中排第10位，2021年共導致548宗登記死亡個案。
現年75歲的黃伯伯已退休多年領取長者生活津貼，患有糖尿病，他每日都會用血糖機檢測血糖，但購買血糖試紙費用太昂貴了，對他來說是一種經濟負擔。
「我退咗好多年，每個月靠長者生活津貼過日子。我係一個糖尿病人，每日都要用血糖機測一下我嘅血糖值。但係，血糖試紙嘅價錢好貴，對我嚟講，呢個係一筆唔細嘅數目，有時候我會想慳啲錢，就少用幾張試紙，咁樣令我控制唔好啲血糖。因為如果血糖控制得唔好，就會引起好多併發症，比如心臟病、腎臟病、眼睛問題等等。
直到我遇到舜禹嘅職員，佢同我講香港糖尿聯會推行左「糖尿病人試紙資助計劃」嘅資訊。呢個計劃係為咗鼓勵糖尿病人多利用血糖機監測血糖嘅去控制病情，以避免或減少併發症嘅發生。只要符合資格，就可以優惠價買到血糖試紙同血糖機。
我覺得呢個計劃真係太好啦，可以幫到我慳唔少錢，等我可以更有信心同動力去管理我嘅血糖。舜禹嘅職員仲介紹我成為地區康健中心嘅會員，咁樣我就可以參加由地區康健中心舉辦嘅「糖尿病管理計劃」。呢個計劃令我提升咗對糖尿病嘅控制技巧同作定期監察血糖。
參加咗地區康健中心舉辦嘅「糖尿病管理計劃」後會安排啲專業人士，例如護士、醫生、藥劑師、社工等等，俾我提供啲指導同支援。佢哋仲會舉辦啲活動同講座，等我可以識到其他有相同情況嘅人，互相交流同學習。
自從參加咗「糖尿病人試紙資助計劃」同「糖尿病管理計劃」之後，我嘅生活有咗好大嘅改善。我唔再擔心血糖試紙嘅費用，都唔再忽視我嘅病情。我開始留意我嘅飲食同恆常做運動，並準時服藥同檢測血糖。我嘅血糖水平都變得更穩定，做好血糖管理。我仲結識咗一班同路人。」
根據《香港糖尿病參考概覽——成年糖尿病患者在基層醫療的護理》建議，市民應從45歲開始進行糖尿病篩查，以避免延誤診斷和治療。如果結果正常，則應每三年再次進行篩查。有糖尿病風險因素的人（例如超重、肥胖、糖尿病家族史等），則應按情況增加篩查的次數。市民如對糖尿病或相關篩查方法有任何疑問，可向醫生查詢。
果你或身邊的老友記有任何生活上的疑難，不妨與我們舜禹聯絡，我們樂意當長者們的後盾。糖尿病支援服務懶包詳情請點擊下方連結：
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
