根據世界衞生組織統計，每5名成年人就有一人患有慢性痛症（不包括癌病所引起）。慢性痛症是指身體間歇或持續出現三個月或以上的痛楚，成因各異，例如受傷或手術癒後、肌肉關節勞損、關節退化、慢性發炎或感染亦有可能導致長期痛楚。長期痛症除了會令患者感到痛楚之外，長遠更會影響情緒及行為，社交及人際關係等，如果不及時處理，容易會墮入以下之惡性循環，令患者更難走出長期痛楚的困局。
心姐現時70歲，是一名清潔工人。她長期受著痛症困擾。心姐現時做兩份工，每日工時超過13個小時，月入約2萬元，她因工作導致膝頭受損。
「我今年七十歲，我而家做緊兩份工，每日要做超過十三個鐘頭，身體已經唔似以前咁好，尤其係我個膝頭。因為成日要站、彎腰、跪地等等，我個膝頭受咗好大嘅損傷，成日會腫、發炎、痛。我去過公立醫院睇過醫生，醫生話我要做手術換人工關節，但係已經快五年都未輪到我做手術。我只能靠食止痛藥嚟減低痛楚，有時一晚只訓兩個鐘就痛到醒。
直到有一日，我喺舜禹學堂職員介紹得知勞工處職業健康診所嘅資訊。佢地同我講職業健康診所可以幫助有工作相關嘅病嘅在職人士，包括：肌肉痛症。職業健康診所嘅專業醫護人員會用心聽我講，了解我嘅工作同埋我嘅病情，提供適當的診斷同埋藥物治療俾我，如果有需要，佢哋仲會幫我轉介去其他嘅服務，例如：物理治療、職業治療等等。
另外，更加會視乎我嘅需要同意願到我嘅工作地點視察，了解其工作環境中與該疾病相關嘅危害因素及與職業病的相關性。
職業健康診所亦會定期舉辦講座、工作坊和病人支援小組，講解職業健康的概念同埋辨別危害因素，藉此減低員工患上職業病的機會；並促進參與者之間嘅經驗分享同埋互相支持。
聽完聽完舜禹職員講之後，我覺得有啲希望。我決定試下，打咗電話預約咗職業健康診所嘅服務。我希望佢哋可以幫到我減輕我個痛楚，令到我可以更好地做工同生活。我都希望可以識到啲有同樣經歷嘅人，互相支持同勉勵。
痛的感覺有時身邊人也未能明白，同時亦難以用言語能夠表達，更何況是長期的痛症！不少長期痛症患者因為疼痛而難以集中精神，因此生活帶來不同程度的負面影響，如睡眠、社交、情緒等。現在，坊間有不同社福機構推出了痛症支援計劃，希望在生理或心理上為受痛症困擾的長者給予支援。
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
