白內障是指眼內用以聚焦的晶體由透明變得混濁，嚴重者會影響視力。根據醫院管理局的資料，新的白內障患者可能需要等候三年才能進行手術。然而，私人市場的白內障手術費用卻超出了一些長者的負擔能力。
現年70歲的張伯伯是一位獨居長者，他的視力逐漸變差，身體也不如以前靈活。孫女子晴每星期都會來探望他，陪他聊天，幫他打掃。張伯伯很感激子晴的關心，但也不想給她太多麻煩。然而張伯伯一直都認為人老了視力變差是正常不過的事，但在他經歷了一次意外令他不得不正視視力帶來的問題。
「有一次我落樓買啲嘢食，就拎住枴杖，小心咁行落樓梯。但係我眼唔好，睇唔清楚樓梯有幾高幾低，一唔小心，就跌咗落去。好彩有個好心人即刻扶我起身，仲送我返屋企。我跌傷咗腳，都驚咗一驚。我覺得自己嘅眼睛問題已經好嚴重，影響咗日常生活，唔可以再拖咗。我決定去睇下眼科醫生，睇下自己究竟咩嘢事。
子晴陪我去咗公立醫院嘅眼科睇病。醫生話我有白內障，要盡快開刀。我問醫生開刀要幾錢？同埋要幾耐，醫生話喺公立醫院要排好長嘅隊，可能要等三年先至輪到我。醫生又話如果我想快啲開刀，可以去私家診所，但係就要出好多錢。我聽到咁就唔開心，因為我係個退休人士，冇收入，只有政府拎長者生活津貼。我冇辦法負擔私家診所嘅費用，又唔想拖累子晴。但係，如果我等咁耐先開刀，我嘅眼睛會唔會更加差？我好困擾，唔知點算好！
後來，子晴話俾我知，佢喺Facebook見到一個叫「舜禹學堂」嘅專頁。介紹左一d關於白內障嘅資訊。子晴仲發現原來有個公益金白內障手術資助計劃，可以幫助有經濟困難嘅長者申請資助，令佢哋可以喺私家診所做白內障手術。我就即刻聯絡咗舜禹學堂嘅職員，佢哋好友善話我知，公益金資助香港盲人輔導會為有經濟困難嘅長者提供白內障手術津貼（需因應捐款情況而定)，讓長者可以及時接受手術，恢復視力，從而改善長者嘅生活質素。之後，佢哋仲幫我預約咗香港盲人輔導會轄下嘅機構見醫生做評估。
之後，我成功獲得資助，順利做左手術，視力恢復正常。心裡面充滿咗感恩同開心。我多謝舜禹學堂嘅職員嘅協助，同埋公益金嘅資助，我一定要好好珍惜自己嘅眼睛，多啲睇睇呢個靚麗嘅世界。」
如果你或身邊的老友記有任何生活上的疑難，不妨與我們聯絡，我們樂意當長者們的後盾。
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
